#តើក្រុមស្ត្រីរកស៊ីផ្លូវភេទ
នៅលើផ្លូវវេងស្រេង ដែលតែងតែបង្កភាពអណាធិបតេយ្យ រញ៉េរញ៉ៃ ប្រើអំពើហឹង្សាផ្អើលពេញទីក្រុង មានបក្សពួកបងតូចបងធំ អាចបន្តការរកស៊ីតទៅមុខទៀតបានដែរឬទេ?
👉 នៅយប់ថ្ងៃព្រហស្បតិ៍ ១២ រោច ខែជេស្ឋ ឆ្នាំថោះ បញ្ចស័ក ព.ស ២៥៦៧ត្រូវនឹងថ្ងៃទី១៥ ខែមិថុនា ឆ្នាំ២០២៣ វេលាម៉ោង ២០:០០នាទី កម្លាំងគណៈបញ្ជាការឯកភាពរដ្ឋបាលខណ្ឌពោធិ៍សែនជយ័ ដឹកនាំដោយលោក អុិត ជំនិត នឹងលោក ផុន សុផាន អភិបាលរងនៃគណៈអភិបាលខណ្ឌពោធិសែនជ័យ លោកនាយករដ្ឋបាល ឈួន ឆាយយ៉ារិទ្ធ តំណាងលោក សក់ ច័ន្ទកញ្ញារិទ្ធ អភិបាលនៃគណៈអភិបាលខណ្ឌពោធិ៍សែនជ័យនិងជាប្រធានគណៈបញ្ជាការឯកភាពរដ្ឋបាលខណ្ឌ បានដឹកនាំកម្លាំងចុះប្រមូលនារីៗរកស៊ីផ្លូវភេទនៅតាមបណ្តោយផ្លូវចោមចៅ(ផ្លូវវេងស្រេង) ស្ថិតនៅក្នុងមូលដ្ឋានសង្កាត់ចោមចៅទី១ ជាលទ្ធផលប្រមូលបានសរុបចំនួន ៣៤នាក់ ក្នុងនោះមានភេទទី៣ ចំនួន១១នាក់។
បងប្អូនប្រជាពលរដ្ឋដែលរស់នៅក្នុងមូលដ្ឋានខណ្ឌពោធិ៍សែនជយ័ ក៏ដូចជាមហាជនទាំងអស់ដែលធ្វើដំណើរតាមបណ្តោយផ្លូវវេងស្រេងឬ(មហាវិថីចោមចៅ)ពួកគាត់ពិតជាអបអរសាទរ សប្បាយរីករាយជាខ្លាំង នៅចំណាត់ការណ៍របស់លោក សក់ ចន្ទកញ្ញារិទ្ធ អភិបាលខណ្ឌដែលទើបនិងឡើងមកថ្មី លោកតែងតែយកចិត្តទុកដាក់ចំពោះរាល់សុខទុក្ខរបស់ប្រជាពលរដ្ឋជាពិសេស លោកបញ្ចេញកណ្តាប់ដៃដែកបំបែកក្រុមស្ត្រីរកស៊ីផ្លូវភេទ ដែលដុះស្លែជាយូរឆ្នាំមកហើយបានអស់ពីមូលដ្ឋានរបស់លោក។
ដោយ គឹម កាណេត និពន្ធនាយកGBN tv online កែសម្រួលដោយលោកស្រី ជ្រុន ធីតា ចាងហ្វាងការផ្សាយ
ទំនាក់ទំនងផ្សាយពានិជ្ជកម្មលេខ089 773 373.016 757 933
