អភិបាលខេត្តកែបនាំយកអំណោយកាកបាទក្រហមកម្ពុជា ចែកជូនដល់ស្ត្រីមានផ្ទៃពោះចំនួន ២៦គ្រួសារនៅមន្ទីរពេទ្យបង្អែកខេត្ត
ខេត្តកែប៖ រសៀលថ្ងៃទី១៩ ខែមេសា ឆ្នាំ២០២៣ ឯកឧត្តមបណ្ឌិត សោម ពិសិដ្ឋ អភិបាលខេត្ត និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ ស ម៉ាលីដា អនុប្រធាន កិត្តិយស កាកបាទក្រហម កម្ពុជាខេត្តរួមដំណើរជាមួយដោយ ថ្នាក់ដឹកនាំ សមាជិក សមាជិកាសាខាកាកបាទក្រហម ខេត្ត ក្រុង ស្រុក និងមន្ត្រី ពាក់ព័ន្ធ បានអញ្ជើញចុះសួរសុខទុក្ខ និងចែកអំណោយកាកបាទក្រហមកម្ពុជា ជូនដល់ស្ត្រីមានផ្ទៃពោះ សរុបចំនួន ២៦គ្រួសារ នៅមន្ទីរពេទ្យបង្អែកខេត្ត ស្ថិតនៅ ភូមិកែប សង្កាត់កែប ក្រុងកែប ។
ឯកឧត្តមបណ្ឌិត សោម ពិសិដ្ឋ ប្រធានគណៈកម្មាធិការសាខាកាកបាទក្រហមខេត្ត បានពាំនាំប្រសាសន៍ផ្តាំផ្ញើសាកសួរសុខទុក្ខនិងក្ដីនឹករលឹកពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចកាលសម្ដេច តែងតែគិតគូរយកចិត្តទុកដាក់ចំពោះសុខទុក្ខរបស់បងប្អូនប្រជាពលរដ្ឋ ដោយមិនរើសអើងប្រកាន់វណ្ណៈជាតិសាសន៍ពណ៌សម្បុរ និន្នាការនយោបាយ និងមិនទុកឱ្យប្រជាពលរដ្ឋណាអត់អាហារឡើយ។
លើសពីនេះ ឯកឧត្តមអភិបាល ក៏បានអំពាវនាវ ដល់បងប្អូនស្ត្រីមានផ្ទៃពោះទាំងអស់ សូមមេត្តាយកចិត្តទុកដាក់ការពារសុខភាពឱ្យបានល្អ ដោយអនុវត្តឱ្យបានខ្ជាប់ខ្ជួននូវការ ហូបស្អាត ផឹកស្អាត និងរស់នៅស្អាត និងសូមទៅពិនិត្យផ្ទៃពោះជារៀងរាល់ខែ នៅតាមមន្ទីរពេទ្យឬមណ្ឌលសុខភាពដែលនៅជិតផ្ទះរបស់បងប្អូន។
សូមបញ្ជាក់ថា អំណោយឧបត្ថម្ភដែលបានផ្ដល់ជូនបងប្អូនស្ត្រីមានផ្ទៃពោះនាពេលនោះរួមមាន ក្នុងម្នាក់ៗទទួលបាន ម្សៅទឹកដោះគោ Aspus ១កំប៉ុង សារ៉ុង១ និងថវិកា ៥០,០០០រៀល ផងដែ
